Հայաստանում և Վրաստանում տնտեսական աճի տեմպերը շարունակում են դանդաղել. Ինչպիսի պատկեր է ՀՀ-ում և հարևան երկրներում

ՀՀ տնտեսությունում որոշակի հաջողություններ արձանագրվել են։ Բայց որքանով են ամուր այս տնտեսական աճերի հիմքերը։

Այն պարագայում, երբ Հայաստանը դեռևս չունի խաղաղության պայմանագիր Ադրբեջանի հետ, ինչպես նաև ռուսական տնտեսությունը ենթարկվում է տարբեր հարվածների և ընդհանուր աշխարհում իրավիճակն անկայուն է, որը տնտեսությունն անընդհատ պահելու է լարվածության մեջ։

Այս բոլորով հանդերձ`Հայաստանի տնտեսությունը շարունակում է աճեր արձանագրել։ Բանկային համակարգը շարունակում է կայուն մնալ։

Սակայն չնայած տնտեսական աճի բարձր մակարդակին՝ տեմպը զգալիորեն դանդաղել է։

Դիտարկենք Հայաստանի և հարևան երկրների տնտեսության վիճակագրական տվյալները․

Ինչպես կարելի է նկատել վիճակագրական տվյալներից, 2022թ-ի երրորդ եռամսյակը համարվում է տնտեսական աճերի սահմանային եռամսյակ Հայաստանի և Վրաստանի համար։

Մասնավորապես, ՀՀ տնտեսական աճը կազմել է 14,8%, իսկ  Վրաստանում՝ 10,3%։   Ադրբեջանի և  Թուրքիայի համար սահման է 2022թ-ի առաջին եռամսյակը, երբ տնտեսական աճը համապատասխանաբար 6,5% և 7,3% էր։

Այս սահմանային եռամսյակներից հետո արձանագրվել են տնտեսական աճի դանդաղեցումներ։

Թուրքական տնտեսությունում տնտեսական աճը դանդաղել է մինչև 2023թ-ի առաջին եռամսյակը՝ հասնելով 2,9% աճին։ Այնուհետև սկսվել է արագացման շրջանը՝ 2023թ-ի երկրորդ եռամսյակում արձանագրվել է 4,8%  աճ, որից հետո մի փոքր դանդաղեցում, ինչի արդյունքում 2023թ-ի երրորդ եռամսյակում արձանագրվել է տնտեսության 4,5% աճ։

Հայաստանում և Վրաստանում տնտեսական աճի տեմպերը դեռևս շարունակում են դանդաղել։ 2023թ-ի երրորդ եռամսյակում տնտեսական աճը  Վրաստանում հաստատվել է  5,8% մակարդակներում։ Ադրբեջանում տնտեսության աճի դանդաղեցման հատակը 2023թ-ի երկրորդ եռամսյակն է, երբ տնտեսական աճը կազմում էր 0,4%։ Սակայն, 2023թ-ի երրորդ եռամսյակում նկատվում է մի փոքր աճ 1,8%-ով։

Մեր կառավարությունը տնտեսության մասով, ինչ խոսք, հաջողություններ գրանցել է`«կովկասյան վագրից» կարծես վերածվելով «կովկասյան վիշապի»։

Հարևան Վրաստանը, որն ունի ծով, Հայաստանից մեծ տարածք և բնակչություն, ինչպես նաև սերտ կապեր արևմտյան կապիտալի հետ, իսկ Ադրբեջանը, որը փաստացի հաղթանակ տարավ Հայաստանի և Արցախի հետ պատերազմում, ունի հսկայական վառելիքաէներգետիկ ռեսուրսներ, ծով և հսկայական տարածք, ինչպես նաև Ռուսաստանի և Թուրքիայի աջակցությունը, չեն կարողանում հասնել Հայաստանի տնտեսական աճին, որը 2023թ-ի երրորդ եռամսյակում ամենաբարձրն է տարածաշրջանում՝ 7,4%։

Քերոբյանը աղքատության մակարդակի էական կրճատում է ակնկալում