Fastex-ը, որպես Հայաստանում նորարարական արվեստն այլընտրանքային լուծումներով ներկայացնող առաջամարտիկներից մեկը, ի դեմս գործադիր տնօրեն Վախթանգ Աբրահամյանի և Հայաստանի Հանրապետության կրթության, գիտության, մշակույթի և սպորտի նախարարի տեղակալ Դանիել Դանիելյանն այսօր փոխըմբռնման հուշագիր են ստորագրել:
Հուշագրով սկիզբ է դրվում գործակցության, որի շրջանակում հայկական ժամանակակից արվեստը միջազգային հանրությանը կներկայացվի Fastex-ի նորարարական տեխնոլոգիական լուծումներով: Հուշագրի շրջանակներում Fastex-ն աջակցություն կցուցաբերի արտերկրում անցկացվող միջազգային ցուցահանդեսներին, այդ թվում՝ երաժշտարվեստի, թատերարվեստի, գրքի, մշակութային ցուցահանդեսներին և բիեննալեներին Հայաստանի մասնակցությանը, մասնավորապես՝ Վենետիկի, Մալթայի, Լառնակայի և Լոնդոնի բիեննալեներին, Պրահայի թատերական ձևավորման քվադրինալեին, Womex երաժշտարվեստի բիեննալեին, գրքի ցուցահանդես-տոնավաճառներին և այլն։
![](https://banksnews.am/wp-content/uploads/2024/05/converse-970x250-c360.webp)
Միևնույն ժամանակ, Fastex-ն իր հնարավորությունների շրջանակում վերոնշյալ ցուցադրություններում նախարարության կողմից ձևավորվող հայկական տաղավարներում կապահովի նորարարական տեխնոլոգիաների կիրառումը, ներկայացումը և այլն։
«Ստանձնելով այս կարևոր դերը՝ մենք ձգտում ենք հնարավորինս խթանել Հայաստանի մշակութային կյանքի զարգացումը և դրա ներկայացուցիչների գործունեությունը», – նշում է Fastex-ի գործադիր տնօրեն Վախթանգ Աբրահամյանը:
Հավելենք, որ Fastex-ի գործադիր տնօրենը ևս մեկ անգամ ընդգծել է պատրաստակամությունը նպաստել ժամանակակից այլընտրանքային արվեստի ավելի լայն տարածմանն ու զարգացման նոր հնարավորությունների ձևավորմանը:
Բաժանորդագրվեք մեր ալիքին Telegram-ում