Երևանի քաղաքապետ Տիգրան Ավինյանը վարչական շրջանների ղեկավարներին կոչ է արել շատ նախագծեր ներկայացնել:
Նրա խոսքով՝ 2024թ. հանրագումարային առումով տարին ամփոփելու են ավելի մեծ ծավալի աշխատանքներ արած:
«Բոլորիդ ևս մեկ անգամ խնդրում եմ՝ նախագծեր, նախագծեր, նախագծեր, և պահանջեք հավելյալ գումարներ ձեր նախագծերի համար։ Ինչպես այս տարին է ցույց տվել, ով հավելյալ նախագծեր կարողացել է բերել, հիմնականում ֆինանսական պահանջը բավարարվել է»,- ասել է նա։
Քաղաքապետի խորհրդական Սոնա Թևանյանն էլ վարչական շրջանների ղեկավարների ուշադրությունը հրավիրել է այն հանգամանքի վրա, որ բակային շրջայցերի ժամանակ բնակիչներ առաջ քաշած բոլոր հարցերը բարձրացված են ու համապատասխան ընթացակարգով փոխանցվել են վարչական շրջանների ղեկավարներին:
