Համացանցում են հայտնվել Xiaomi-ի առաջին մեքենայի լուսանկարները

Չինական աղբյուրները նոր կադրեր են հրապարակել Xiaomi-ի առաջին մեքենայից։ Խոսքը Xiaomi SU7 մոդելի մասին է, որը համեմատվում է Porsche Taycan-ի և Tesla Model S-ի հետ,- գրում է Hi-tech-ը։

Նոր արտադրանքի որոշ առանձնահատկություններ հստակ տեսանելի են: Մասնավորապես, կարելի է տեսնել օրիգինալ անիվները, բեռնախցիկի սփոյլերը։ Հետևի մասում էլ տեղադրված է Xiaomi մակագրությունը։

Ավելի վաղ չինական աղբյուրները հայտնել էին, որ էլեկտրոմոբիլը ստացել է սմարթ ապաբլոկավորման տարբերակ:

Xiaomi-ն կթողարկի էլեկտրական մեքենայի մի քանի տարբերակ։ Սպասվում է, որ կթողարկվեն հիմնական մոդելից ավելի հզոր էլեկտրական մեքենաներ՝ Xiaomi SU7 Pro և SU7 Max: