ՀՀ Կենտրոնական բանկը թույլտվություն է տվել «Կոնվերս» և «Ակբա» բանկերին մասնակցել Չինաստանում գրանցված «UnionPay» վճարահաշվարկային համակարգին: Այս մասին Banksnews.am-ը տեղեկանում է ՀՀ Կենտրոնական բանկի համապատասխան որոշումից։
«Ակբա» բանկը 2019 թվականի հոկտեմբերին էր ստացել այդ քարտերի սպասարկման թույլտվություն, իսկ այժմ, բացի սպասարկումից հնարավորություն կունենա թողարկել «UnionPay» վճարահաշվարկային համակարգի քարտերը։
«Կոնվերս» բանկը «UnionPay» վճարահաշվարկային համակարգի քարտերի սպասարկման ու թողարկման թույլտվությունը ստացել է այս ամիս։
UnionPay International-ը (UPI), համագործակցելով աշխարհի ավելի քան 2500 ֆինանսական հաստատությունների հետ, հնարավորություն է տալիս օգտագործել քարտերն՝ ապրանքների, ծառայությունների դիմաց վճարելու և գումարը կանխիկացնելու համար աշխարհի 180 երկրում: UnionPay-ի քարտերը թողարկվում են ավելի քան 70 երկրում։
6 առանձնահատկություն, որոնք պետք է հաշվի առնել բանկ ընտրելիս
