Հայ-ճապոնական տնտեսական հարաբերությունների զարգացմանն ու առևտրաշրջանառության ծավալների մեծացմանը վերաբերող գործնական հարցեր են քննարկվել այսօր ՀՀ էկոնոմիկայի նախարար Վահան Քերոբյանի՝ Ճապոնիա կատարած այցի շրջանակում։ Տեղեկությունը հայտնում է ՀՀ էկոնոմիկայի նախարարության մամուլի ծառայությունը։
Նշվում է, որ Քերոբյանը հանդիպում է ունեցել Ճապոնիայի արտաքին առևտրի կազմակերպության (JETRO) կենտրոնական գրասենյակի նախագահ և գլխավոր գործադիր տնօրեն Նորիհիկո Իշիգուրոյի հետ: Հանդիպմանը ներկա էին նաև Ճապոնիայում ՀՀ դեսպան Արեգ Հովհաննիսյանը և էկոնոմիկայի նախարարի տեղակալ Նարեկ Տերյանը:
![](https://banksnews.am/wp-content/uploads/2024/05/converse-970x250-c360.webp)
«Վահան Քերոբյանը ներկայացրել է Հայաստանի ներդրումային գրավչությունը, գործարարությամբ զբաղվելու դյուրին պայմանները և օրեցօր ավելի ազատականացող օրենսդրությունը և ընդգծել այս ամենի մասին ճապոնացի գործարարների իրազեկվածությունը բարձրացնելու անհրաժեշտությունը»,- նշված է հաղորդագրության մեջ։
Նորիհիկո Իշիգուրոն պատրաստակամություն է հայտնել այս հարցում աջակցել հայկական կողմին։ Նա նաև խոսել է Հայաստանի համատեղ գործարար միջոցառումներ իրականացնելու մասին։
Բաժանորդագրվեք մեր ալիքին Telegram-ում