ՌԴ բանկերը սկսել են բարձրացնել հիփոթեքային տոկոսադրույքները, ինչի արդյունքում որոշ վարկերի տոկոսադրույքները տարեկան գերազանցել են 16%-ը, հայտնում է РБК-ն: Սակայն նրանցից ոչ բոլորն են բարձրացրել բնակարանային վարկերի տոկոսադրույքներն այնքան, որքան բարձրացվել է Կենտրոնական բանկի տոկոսադրույքը:
ՎՏԲ-ն նոյեմբերի 1-ից բարձրացրել է հիմնական հիփոթեքային տոկոսադրույքները 2.4 տոկոսային կետով։ Կառուցվող և արդեն կառուցված բնակարանների համար հիփոթեքային նվազագույն դրույքաչափն այժմ կազմում է 16.4-16.5%: Դրան ավելանում է մոտ 0.5 տոկոսա, եթե հաճախորդը, օրինակ, ՎՏԲ-ից աշխատավարձ չի ստանում կամ հրաժարվում է գործարքը էլեկտրոնային եղանակով գրանցել։
Մինչև հոկտեմբերի 31-ը ստացված նախկին դրույքաչափերով հիփոթեքային հայտերի հաստատումները կգործեն մինչև դեկտեմբերի 14-ը:
Հիփոթեքային շուկայի խոշորագույն խաղացողը՝ Սբերբանկը, դեռ չի վերանայել բնակարանային վարկերի պայմանները։ Բանկի կայքում հրապարակված տեղեկատվության համաձայն՝ հիփոթեքային շուկայական տոկոսադրույքները սկսվում են տարեկան 14.2%-ից:
Ռուսական խոշոր բանկերը թույլ են տվել, որ հիփոթեքային վարկերի պայմանները վատթարանան հիմնական տոկոսադրույքի բարձրացումից անմիջապես հետո: ԿԲ-ն այդ ցուցանիշը բարձրացրել է 2 տոկոսայի կետով՝ հասցնելով 15%-ի, ինչը գերազանցել է շուկայի սպասումները։
Ըստ Կենտրոնական բանկի գնահատումների՝ սեպտեմբերին հիփոթեքային վարկերի տրամադրումը նվազել է մոտ 9%-ով, իսկ արտոնյալ վարկերն աճել են 27%-ով։ Այսպիսով, արտոնյալ հիփոթեքային վարկերը կազմել են 67.6%-ը։ Համեմատության համար նշենք, որ հունիսին արտոնյալ հիփոթեքային վարկերը կազմել են վաճառքների 51.1%-ը։
Բաժանորդագրվեք մեր ալիքին Telegram-ում
