Հայաստանում 2024 թվականին իրական աշխատավարձի 8.8 տոկոս աճ է կանխատեսվում։ Այս մասին ԱԺ-ում 2024 թվականի պետբյուջեի նախագծի նախնական քննարկումների ժամանակ ասել է ՀՀ ֆինանսների նախարար Վահե Հովհաննիսյանը։
Նախարարը հայտնել է, որ դրական միտումները, որոնք արձանագրվում են աշխատանքի շուկայում, կշարունակվեն նաև 2024 թվականին։
![](https://banksnews.am/wp-content/uploads/2024/05/converse-970x250-c360.webp)
«Այն դրական միտումները, որոնք արձանագրում ենք աշխատանքի շուկայում, կարծում ենք, որ կշարունակվեն 2024 թվականին։ Բարձր տնտեսական աճի պայմաններում 2023 թվականին կանխատեսում ենք վարձու աշխատողների թվի և իրական աշխատավարձի աճ՝ համապատասխանաբար 5,5 և 13,6 տոկոսով։ Իսկ 2024 թվականին աշխատավարձերը կբարձրանան 8.8 տոկոսով, վարձու աշխատողների թիվը կավելանա 2.7 տոկոսով»,– նշեց նախարարը։
Նրա խոսքով՝ Կառավարությունը ակնկալում է, որ 2023 և 2024 թվականին կլինի զբաղվածության աճ։
«2023 թվականին ունենք 3.2 տոկոս զբաղվածության աճ, 2024 թվականին կլինի 1.4 տոկոս աճ։ Գործազրկության մակարդակը կնվազի՝ հասնելով 12.3 տոկոսի»,– եզրափակել է նա։
Բաժանորդագրվեք մեր ալիքին Telegram-ում