Հայաստանյան Apricot Capital ներդրումային ընկերությունը, կարևորելով ներդրումային տեխնոլոգիաներն ու գործիքները Հայաստանում հասանելի դարձնելը, ներդրումային նոր մշակույթ ձևավորելը, և ֆինանսական գրագիտության բարձրացումը, նախաձեռնել է հատուկ մեդիա-դասընթաց «Ֆինանսական ներդրումներ. ինչ, ինչպես, երբ և որտեղ» թեմայով:
Դասընթացը տեղի կունենա հոկտեմբերի 21-ին՝ Իբիս հյուրանոցում (Երևան սրահ, Հյուսիսային պողոտա 5/1)։
Apricot Capital ընկերության գործադիր տնօրեն Վաչիկ Գևորգյանը դասընթացի մասնակիցների հետ խոսելու է ներդրումների, սեփական ներդրումային հաշիվների կառավարման արդյունավետության բարձրացման հնարավոր ուղիների մասին։ Ընկերության Հաշվի կառավարիչ Տաթևիկ Կարապետյանը կներկայացնի ներդրումների համաշխարհային միտումների, նորարարական մոտեցումների կիրառությունը, իսկ Apricot Capital-ի պրոդուկտի ղեկավար Ռուզաննա Կիրակոսյանը կներկայացնի, թե ինչ է մարժային առևտուրը և ինչպես ստանդարտ և մարժային հաշիվ բացել Apricot Capital բջջային հավելվածի միջոցով։
Մեդիա դասընթացի թեմաներն են՝
Ներդրումների մասին
- Ներդրումներ. միֆեր, իրականություն, հնարավորություններ
- Ներդրումային ռիսկեր. այն, ինչի մասին լռում են բրոքերները
- Ներդրումային գործիքներ. տեսակներ, առանձնահատկություններ
- Ֆինանսական գրագիտություն. ինչպես կառավարել սեփական ներդրումային հաշիվներն ու պատմությունը
Ներդրումային շուկաներ, Հայաստանը ներդրումային քարտեզում
- Ներդրումային շուկաներ. թոփ ընկերություններ, որտեղ ամենաշատ ներդրումներն են կատարվում
- Ներդրումների համաշխարհային միտումները. Հայաստանը ներդրումային քարտեզում
- Ինչ ընկերությունների բաժնետեր են նախընտրում դառնալ ՀՀ ռեզիդենտները
- Նոր ներդրումային հնարավորությունները թվային փոխակերպման ժամանակաշրջանում․ ֆինթեք, արհեստական բանականություն, բլոկչեյն տեխնոլոգիաներ
Apricot Capital. Ներդրումներն ու մարժային առևտուրը Apricot Capital հավելվածի միջոցով
- Apricot Capital. Ի՞նչ է, ինչպե՞ս է աշխատում, ում համար է
- Գիտելիքը փորձի վերածելով. Ինչպես կատարել ներդրումներ Apricot Capital-ի միջոցով
- Apricot Capital app. Արագ, հասանելի արդյունավետ ներդրումային գործիքներ
- Մարժա. մարժային առևտուր և մարժային ներդրումներ
- Ինչպես լուսաբանել Ֆինանսական շուկայի նորությունները. ներդրումային տերմինները՝ հայերեն
- Ինչպես են լուսաբանվում ներդրումային նորություններն աշխարհում. ովքեր են թոփ «խոսնակները»
Միջոցառմանը մասնակցելու համար խնդրում ենք նախապես հավատարմագրվել մինչև հոկտեմբերի 19-ը, ժամը 18:00-ն։
Կոնտակտային անձ՝ Մարիամ Սաֆարյան +374 96232519, info@spring.am
***
Apricot Capital-ը Հայաստանում 2022 թվականին գրանցված և լիցենզավորված ներդրումային ընկերություն է, որը ֆիզիկական և իրավաբանական անձանց տրամադրում է համապարփակ ֆինանսական ծառայություններ՝ ներառելով բրոքեր-դիլերային, ակտիվների կառավարման և խորհրդատվական ծառայություններ: Թիմը բաղկացած է ֆինանսական համակարգում մեծ գիտելիքներ և փորձ ունեցող լավագույն մասնագետներից։
Կենտրոնանալով նորարարության և հաճախորդամետ լուծումների վրա՝ Apricot Capital-ը շարունակում է սահմանել ոլորտի չափանիշները և ներկայանալ որպես՝ Հայաստանում ներդրումային գործիքներ և արդյունավետ հարթակ տրամադրող ընկերություն։
