Եվրոպայի խորհրդի մարդու իրավունքների հանձնակատարը կայցելի Հայաստան և Ադրբեջան

Եվրոպայի խորհրդի Մարդու իրավունքների հանձնակատար Դունյա Միյատովիչը 2023 թվականի հոկտեմբերի 16-23-ը կայցելի Հայաստան և Ադրբեջան։ Այս մասին հայտնել է ԵԽ մամուլի ծառայությունը։

Հանձնակատարը կլինի նաև Լեռնային Ղարաբաղում։ Միյատովչիը հատուկ ուշադրություն կդարձնի հակամարտությունից տուժած մարդկանց մարդու իրավունքների իրավիճակին:

Հանձնակատարը հանդիպումներ կունենա պետական պաշտոնյաների, միջազգային կազմակերպությունների և քաղաքացիական հասարակության ներկայացուցիչների հետ։

Նշվում է, որ այցի ավարտին հայտարարություն կհրապարակվի։