Սաուդյան Saudi Aramco նավթային ընկերության շահույթը երկրորդ եռամսյակում ռեկորդային է եղել: Անվճար դրամական հոսքերը հասել են $34,6 միլիարդի, եկամուտը տարեկան կտրվածքով աճել է 90%-ով: Ընկերության շահույթն աճում է նավթի բարձր գների շնորհիվ։
Saudi Aramco-ն ռեկորդային եկամուտ և շահույթ է գրանցել 2022 թվականի երկրորդ եռամսյակում և առաջին կիսամյակում, հայտնել է ընկերությունը: Միայն եկամուտը եռամսյակում կազմել է 48,4 մլրդ դոլար:
Երկրորդ եռամսյակում զուտ եկամուտը 2021 թվականի նույն ժամանակահատվածի համեմատ աճել է 90%-ով։ Ընկերությունն ասել է, որ սա իր լավագույն եռամսյակային արդյունքն է 2019 թվականից ի վեր: Մեծ եկամուտների հիմնական պատճառը նավթի բարձր գներն են և վաճառվող զգալի ծավալները, ասվում է զեկույցում։
Saudi Aramco-ն երրորդ եռամսյակում ներդրողներին կվճարի 18,8 միլիարդ դոլարի շահաբաժիններ։ Ընկերությունն ակնկալում է, որ նավթի պահանջարկը կշարունակի աճել առաջիկա տասնամյակի ընթացքում։
