Համաշխարհային տոկոսադրույքների աճի ֆոնին Հարավային Կորեայի կառավարությունը 2023 թվականին կնվազեցնի հանրապետության ազգային բյուջեն։ Սա կլինի առաջին նման նախադեպը վերջին 13 տարվա ընթացքում։
«Մենք սեղմում ենք մեր գոտիները … Նախորդ վարչակազմը մեծ պարտքեր էր կուտակել, բայց մենք մեզ դա թույլ տալ չենք կարող», — ասել է Հարավային Կորեայի ֆինանսների նախարար Չու Կյուն Հոն (մեջբերում է Bloomberg-ը):
Նա պարզաբանել է, որ ներկայիս կառավարությունը բազմաթիվ բյուջետային պարտքեր է ստացել հանրապետության նախկին նախագահ Մուն Չժե Ինի վարչակազմից, որը գործել է COVID-19 համաճարակի ժամանակ։ Գալիք տարվա համար նախատեսված բյուջեն այժմ կազմում է 679 տրլն վոն, որը կազմում է շուրջ 521 միլիարդ դոլար:
Հուլիսին Հարավային Կորեայի Կենտրոնական բանկը պատմության մեջ առաջին անգամ բարձրացրել է հիմնական տոկոսադրույքը միանգամից 50 բազիսային կետով՝ բարձր գնաճի դեմ պայքարելու համար։ Հունիսին հանրապետությունում գնաճը տարեկան կտրվածքով հասել է 6%-ի, ինչը ամենաբարձրն է 1998 թվականից ի վեր։
Բաժանորդագրվեք մեր ալիքին Telegram-ում
Loading ...