Լեռնային Ղարաբաղից բռնի տեղահանված անձանց թիվը, որոնք 100 հազար դրամ միանվագ օգնություն են ստացել, հոկտեմբերի 13-ին կդառնա 66 հազար, հաջորդ շաբաթ՝ 85-90 հազար:
ՀՀ կառավարության նիստում այս մասին հայտարարեց ՀՀ փոխվարչապետ Տիգրան Խաչատրյանը։
Առաջին փուլով օգնությունն արդեն իսկ փոխանցվել է 52 600 մարդու քարտային հաշիվներին, հոկտեմբերի 13-ին 100 հազար դրամ կստանան ևս 13 500-ը։ Նրանցից 1800-ը երեխաներ են, որոնց անունով միջոցները փոխանցվում են ծնողների դիմումի համաձայն:
Ավելի քան 4000 մարդ ստացել է նոր բացված հաշիվների աջակցություն, քանի որ նրանք չեն ունեցել գործող քարտային հաշիվներ: Փոխվարչապետը հիշեցրեց, որ նրանք, ովքեր ունեն գործող հաշիվներ, գումարը մեխանիկորեն փոխանցվում է այդ հաշիվներին։ Խաչատրյանի խոսքով` հաջորդ շաբաթ երեխաների անունով ավելի քան 23 հազար դիմում կմշակվի։
Վարչապետ Նիկոլ Փաշինյանը նշել է, որ սոցիալական աշխատողները պետք է հետադարձ կապ պահպանեն ԼՂ-ի բոլոր հայրենակիցների հետ, որպեսզի բացառեն այն ռիսկը, որ որևէ մեկը չիմանա, թե ինչպես ստանա օգնությունը:
ՀՀ աշխատանքի և սոցիալական հարցերի նախարար Նարեկ Մկրտչյանն էլ հայտարարել է, որ շատ գյուղերում համայնքապետներն իրենք են մեքենաներ տրամադրում, որպեսզի մարդիկ կարողանան գնալ բանկ ու բացել հաշվեհամար։
