Սեպտեմբերին Արցախի դեմ լայնածավալ հարձակման հետևանքով Ղազարյանների և Սարգսյանների ընտանիքում մեծ ողբերգություն տեղի ունեցավ։
Հրետակոծության հետևանքով զոհվեցին Ղազարյանների երկու որդիները՝ 8-ամյա Նվերը և 10-ամյա Միքայելը։
![](https://banksnews.am/wp-content/uploads/2024/05/converse-970x250-c360.webp)
Սարգսյանների ընտանիքի համար ողբերգական հետևանք ունեցավ սեպտեմբերի 25-ին Ստեփանակերտ-Ասկերան ավտոճանապարհի հարակից տարածքում` բենզինի պահեստում բռնկված ուժեղ պայթյունը։ 4 անչափահաս երեխաների ծնողները` 51-ամյա Սաշա Սարգսյանը և 45-ամյա Լիանա Սարգսյանը 4-րդ աստիճանի այրվածքներով տեղափոխվեցին Սյունիք, սակայն նրանց կյանքը փրկել չհաջողվեց։ Այժմ 4 անչափահաս երեխաների խնամքը նրանց տատիկի ուսերին է։
Այս ընտանիքներում տեղի ունեցած ողբերգությունն անտարբեր չթողեց Վահե և Վիգեն Բադալյան եղբայրներին։ Նրանք իրենց աջակցությունը հայտնեցին Սարգսյաններին և Ղազարյաններին ՝ բնակարանի ձեռքբերման համար յուրաքանչյուր ընտանիքի հատկացնելով 25 մլն ՀՀ դրամ։
Հենց այսպես՝ օգնության ձեռք մեկնելով, մեր միասնությամբ միայն կարող ենք հաղթահարել ցանկացած մարտահրավեր, ամուր և տոկուն մնալ, պատրաստ լինել վերակառուցելու և ստեղծելու ավելի պայծառ ապագա բոլորիս համար։
Բաժանորդագրվեք մեր ալիքին Telegram-ում