Բելգիայում կես տարվա ընթացքում 50,5 մլրդ եվրո ռուսական ակտիվներ են սառեցվել, հաղորդում է Nieuwsblad թերթը ՝ վկայակոչելով թագավորության ֆինանսների նախարարությանը:
Նշվում է, որ սառեցված միջոցները պատկանում են Եվրամիության պատժամիջոցների տակ հայտնված ֆիզիկական անձանց, ընկերություններին և այլ կառույցներին։ Նշենք, որ պատժամիջոցները սահմանվել են Ռուսաստանի հատուկ ռազմական գործողության սկսվելուց հետո:
Նախօրեին հաղորդվել էր, որ Ֆրանսիան սառեցրել է 1,2 մլրդ եվրոյի ռուսական ակտիվները՝ չհաշված Կենտրոնական բանկի ակտիվները:
Հիշեցնենք, հուլիսի 12-ին Արդարադատության հարցերով եվրահանձնակատար Դիդյե Ռեյնդերսը Պրահայում Եվրամիության արդարադատության նախարարների ոչ պաշտոնական հանդիպման շրջանակներում ասել էր, որ ԵՄ-ում սառեցվել են ռուս գործարարներին պատկանող 13,8 մլրդ եվրո ակտիվներ:
Ավելի վաղ հայտնի էր դարձել, որ ԵՄ սառեցված ռուսական ակտիվների մեծ մասն անցնում է Գերմանիային, Ֆրանսիային, Իռլանդիային, Ավստրիային, Բելգիային և Լյուքսեմբուրգին:
Բաժանորդագրվեք մեր ալիքին Telegram-ում
Loading ...