Արցախից Հայաստան տեղափոխվելու ժամանակ Լաչինի միջնացքով անցնելիս ձերբակալվել է Արցախի նախկին պետնախարար Ռուբեն Վարդանյանը։ Տեղեկությունը հայտնում է նրա կինը` Վերոնիկա Զոնաբենդը։
«Այսօր առավոտյան ամուսինս ձերբակալվել և գերեվարվել է Ադրբեջանի իշխանությունների կողմից, երբ փորձել է Արցախը լքել ադրբեջանական օկուպացիայից փախած հազարավոր այլ հայերի հետ։ Շրջափակման տասը ամիսների ընթացքում Ռուբենն ուս ուսի կանգնել է արցախցիների կողքին, զրկանքներ կրել, նրանց հետ միասին գոյատևման պայքար մղել։ Ես աղոթում եմ, որ ամուսինս անվնաս ազատ արձակվի, և խնդրում եմ ձեր աջակցությունը», – ասված է Զոնաբենդի հայտարարությունում, որը հրապարակվել է Ռուբեն Վարդանյանի սոցցանցային էջում:
![](https://banksnews.am/wp-content/uploads/2024/05/converse-970x250-c360.webp)
Հիշեցնենք` Վարդանյանն Արցախ տեղափոխվեց 2022 թվականի սեպտեմբերի 1-ին։ Նա պետնախարար նշանակվեց 2022 թվականի նոյեմբերի 4-ին և պաշտոնից ազատվեց 2023-ի փետրվարի 23-ին։
Բաժանորդագրվեք մեր ալիքին Telegram-ում