Աշխարհում տեղի ունեցող զարգացումները միայն ափսոսանք, տագնապ և հուսահատություն են առաջացնում։ Մարդիկ սկսում են հասկանալ, որ տեղի ունեցող փոփոխությունները որևէ կապ չունեն խաղաղ գոյակցության ու զարգացման հետ։
Դրա ամենավառ օրինակն է արցախահայության էթնիկ զտումն ու բռնագաղթը, որն ընթանում է բոլորի աչքի առաջ, իսկ ժամանակակից «զարգացած» ու «իրավապաշտպան» ինստիտուտները չեն կարողանում կանխել ոճրագործությունները։
Ահա այս իրավիճակում աշխարհի տարբեր անկուններում պատրաստվում են նոր գլոբալ մարտահրավերներին, և առաջին հերթին սկսում են լուծել ապասատարանների հարցերը։ Ինչպես վկայում են վիճակագրական տվյալները, ապաստարանների կառուցման պահանջարկը կտրուկ աճել է։
Ապաստարանների կառուցման մեջ մասնագիտացած իտալական Minus Energie-ն վերջին տասը տարիների ընթացքում կառուցել է 50 ապաստարան, իսկ 2022թ-ի փետրվարից հետո ապաստարաններ կառուցելու հայտերի թվաքանակը հասել է 500-ի։
Minus Energie-ը ամենափոքր ապաստարանի կառուցման համար պահանջում է $32 հզր։ Ակտիվացել են նաև ապաստարաններ կառուցող այնպիսի ընկերություններ, ինչպիսիք են ամերիկյան Rising S Company-ին, և ֆրանսիական Artemis Protection, որը ապաստարանի կառուցման համար պահանջում է $300-500 հզր։
Լուսանկարներ` Արցախի ապաստարաններից
Ապաստարանները կառուցելիս հաշվի են առնվում բարձր տեխնոլոգիական լուծումները։ Մասնավորապես, շոտլանդական դիզայներական գործակալությունը՝ Suisse-ն, մշակել է RD shelter-ը: Այս ապաստարանը հեշտությամբ տեղակայվող կառույց է, որը նախատեսված է պատերազմի կամ բնական աղետների հետևանքով տեղահանված մարդկանց տեղավորելու համար:
Rapid Development (RD) թաքստոցը կառուցված է ծալքավոր պոլիկարբոնատով՝ նյութ, որը սովորաբար օգտագործվում է պլաստիկ տանիքի համար: Ապաստարանը, որը կարող է տեղավորել 2 մեծահասակ և 2 երեխա, անթափանց է, հողմակայուն և անջրանցիկ, ինչպես նաև հիմքի վրա ունի պահեստային խցիկ:
Բաժանորդագրվեք մեր ալիքին Telegram-ում
