Սեպտեմբերի առաջին տասնօրյակից սկսած` համացանցի հայկական տիրույթում արձանագրվել է կիբեռհարձակումների զգալի աճ, հայտնում են ՀՀ ազգային անվտանգության ծառայությունիցն։
Նկատվել են ապատեղեկատվության տարածման և տվյալների կորզման փորձեր, ինչպես նաև տեղեկատվական անվտանգության ռիսկեր պարունակող վնասաբեր այլ ակտիվություն։
![](https://banksnews.am/wp-content/uploads/2024/05/converse-970x250-c360.webp)
«Թիրախավորվել են ինչպես ՀՀ պետական և տեղական ինքնակառավարման մարմինների, այնպես էլ ռազմավարական նշանակության օբյեկտների տեղեկատվական համակարգերը»,– ասված է հաղորդագրությունում։
ԱԱԾ–ն հորդորում է զգոնություն ցուցաբերել, խստորեն պահպանել մեդիագրագիտության տարրական կանոնները, իսկ համակարգչային միջադեպերի վերաբերյալ տեղեկությունները փոխանցել ՀՀ համակարգչային միջադեպերի արձագանքման պետական կենտրոն։