Չինաստանը կառավարության պաշտոնյաներին արգելել է օգտագործել iPhone-ներ, CNN-ի փոխանցմամբ՝ հաղորդում է The Wall Street Journal-ը՝ վկայակոչելով անանուն աղբյուրների:
Չորեքշաբթի օրը Նյու Յորքում Apple-ի բաժնետոմսերն իջել են 3,6%-ով՝ մինչև 182,91 դոլար՝ գրանցելով մեկ ամսվա ընթացքում ամենամեծ օրական անկումը։ Մինչ չորեքշաբթի, Apple-ն այս տարի աճել էր 46%-ով:
CNN-ը նշում է, որ դիմել է Չինաստանի արտաքին գործերի նախարարությանը և Apple-ին (AAPL), սակայն պատասխան չի ստացել։
Աղբյուրը, ով պարբերաբար շփում է ունենում Չինաստանի կենտրոնական կառավարության գործակալությունների հետ, CNN-ին հայտնել է, որ չինացի պաշտոնյաներն արդեն հետևում էին iPhone-ներից խուսափելու չգրված կանոնին մինչև համաճարակը՝ չնայած պաշտոնական քաղաքականության ակնհայտ բացակայությանը: Աղբյուրը խնդրել է չհրապարակել իր անունը՝ թեմայի զգայունության պատճառով:
Նշվում է, որ Չինաստանի կենտրոնական կառավարության պաշտոնյաներն այժմ հակված են օգտագործել խոշոր հայրենական ընկերությունների՝ հատկապես Huawei-ի արտադրած սմարթֆոնները:
Բաժանորդագրվեք մեր ալիքին Telegram-ում
