Ժամանակն ու ռեսուրսները խնայելու համար ավելի հաճախ գնումներ են կատարվում առցանց։ Wildberries-ը վերլուծել է 2023 թվականի հուլիս-օգոստոս ամիսներին Հայաստանի բնակիչների կողմից արված պատվերները և ներկայացրել ծնողների կողմից ամենաշատ գնվող ապրանքները։
Այսպիսով, ծախսերի հիմնական մասը բաժին է ընկել դպրոցական հագուստի և կոշիկի, գրենական պիտույքների և տարբեր աքսեսուարների ձեռքբերմանը։ Այս մասին BanksNews.am-ին հայտնում են ընկերության մամուլի ծառայությունից:
![](https://banksnews.am/wp-content/uploads/2024/05/converse-970x250-c360.webp)
Ապրանքների ԹՈՓ-5-ը՝ զգեստներ, շապիկներ, տաբատներ, կոստյումներ, ծնողները շարունակում են նախապատվությունը տալ նաև ջինսերին։ Այս ամռանը զգեստների պահանջարկը աճել է 8 անգամ 2022 թվականի նույն ժամանակահատվածի համեմատ, շապիկների՝ 11, տաբատների՝ 12, կոստյումների՝ 21, ջինսերի՝ 14 անգամ։ Այս սեգմենտի ապրանքների մեծ մասը գնել են Երևանի, Կոտայքի և Սյունիքի մարզերի բնակիչները։
Կոշիկների տեսականուց ծնողները նախընտրել են սպորտային կոշիկներ, որոնց պահանջարկը 2022 թվականի նույն ժամանակահատվածի համեմատ աճել է 12 անգամ, սանդալների՝ 11 անգամ, աշնանային կոշիկների (9 անգամ)։ Այս սեգմենտից ամենաշատ գնումները կատարվել են նույնպես Երևանում, Կոտայքի և Սյունիքի մարզերում։
Դե իհարկե ամենապահանջված ապրանքների ցուցակում է դպրոցական ուսապարկն իր պարագաներով։ Այս սեզոնին գրեթե 8 անգամ ավելի շատ ուսապարկ է ձեռք բերվել, քան նախորդ տարվա նույն ժամանակահատվածում՝ տարեկան աճը կազմել է 272%։
Մնացած գրենական պիտույքներից ամենաշատը գնվել են մատիտատուփերը (+367%), գրիչները (+474%), մատիտները (+464%), տետրերը (+442%) և, մասնավորապես, թուղթը (+107%)։ Գրենական պիտույքների մեծ մասը ձեռք են բերել Երևանի, Կոտայքի և Շիրակի մարզերի բնակիչները։
Բաժանորդագրվեք մեր ալիքին Telegram-ում