Արցախի 4-րդ փողոցի 4-րդ նրբանցքի 4-րդ կարգի վթարային շենքերի բնակիչների վերաբնակեցման ուղղված ավագանու որոշման նախագիծն արդեն պատրաստ է, այն կներկայացվի ավագանու քննարկմանը: Այս մասին այսօր՝ օգոստոսի 28-ին, Երեւանի քաղաքապետարանի գործակարգավարական նիստի ժամանակ ասաց Վահան Խաչատրյանը:
Փոխքաղաքապետ Տիգրան Ավինյանը հետաքրքրվեց, թե բնակիչների հետ նվազագույնը ընդհանուր տրամաբանության շուրջ համաձայնություն կա՞, ինչին Խաչատրյանը պատասխանեց. «90 տոկոսի մասով ունենք համաձայնություն, 10 տոկոսը կառուցվածքի եւ այլ հարցերի հետ համաձայն չեն: Վերաբնակեցման պրոցեսը որ սկսենք, ինձ թվում է՝ մյուսները նույնպես կհամաձայնեն:
«Մենք 15 քմ սենյակ զբաղեցնող բնակարանի բնակչին առաջարկում ենք 35 քմ տարածքով բնակարանի գնման վկայագիր, որով ինքն իրավունք ունի Հայաստանի ցանկացած տարածքում գնել բնակարան: Նաեւ առաջարկել ենք, որ եթե դուք չեք կարող գնել բնակարան, մենք ձեզ կօժանդակենք այդ հարցում: Օրինակ, 20-22 քմ տարածքով բնակարանի բնակչին առաջարկում ենք 45 քմ-անոց բնակարանի գնման վկայագիր»:
Բաժանորդագրվեք մեր ալիքին Telegram-ում
