Մեր ընթերցողներին, որպես սպառող, անշուշտ, կհետաքրքրի`ինչպիսին է եղել գնային սանդղակը ՀՀ խոշոր քաղաքներում ընթացիկ տարվա հուլիսին։
Ոսումնասիրենք գնաճը ՀՀ խոշոր քաղաքներում և անդրադառնանք իրավիճակին այնպիսի կարևորություն ունեցող ոլորտներում, ինչպիսիք են տրանսպորտը, կրթությունը և առողջապահությունը:
![](https://banksnews.am/wp-content/uploads/2024/05/converse-970x250-c360.webp)
Նկատենք, որ 2023թ-ի հուլիսին 2022թ-ի հուլիսի համեմատ գնաճը ՀՀ խոշոր քաղաքներում հաստատվել է հետևյալ մակարդակներում.
Հիշեցնենք, որ 2023թ-ի հուլիսին 2022թ-ի հուլիսի համեմատ հանրապետությունում արձանագրվել է գների անկում 0,1%-ով։
Մարզերի մի շարք խոշոր քաղաքներում ևս արձանագրվել են գնանկումներ։ Ամենամեծ գնանկումը դիտվել է Իջևանում՝ 1,8%-ով։
Գնանկման բարձր մակարդակներ են առկա նաև Վանաձորում՝ 1,3%-ով, և Գյումրիում՝ 1,1%-ով։
Արտաշատում, Աշտարակում, Երևանում և Վաղարշապատում դիտվել է գնաճ համապատասխանաբար 0,6%-ով, 0,5%-ով, 0,2%-ով և 0,1%-ով։
Հաջորդիվ ուսումնասիրենք գնաճը վերոնշյալ ոլորտներում ՀՀ խոշոր քաղաքներում.
Վիճակագրական տվյալները փաստում են, որ գների անկումները մեծ մասամբ արձանագրվել են տրանսպորտի ոլորտում:
Ամենախոր անկումը արձանագրվել է Իջևանում, Վաղարշապատում, Գյումրիում և Արտաշատում համապատասխանաբար՝ 9,1%-ով, 6,4%-ով, 6,4%-ով և 4,4%-ով:
Տրանսպորտի ոլորտում ամենաբարձր գնաճը արձանագրվել է Կապանում՝ 0,7%։
Առողջապահության ոլորտում երկնիշ գնաճ է արձանագրվել Աշտարակ քաղաքում՝ 13,1%: Նախորդ ամիս այս քաղաքում ևս առողջապահության ոլորտում զգալի գնաճ էր արձանագրվել: Անհրաժեշտ է վերլուծել և հասկանալ նման գնաճի պատճառները:
Առողջապահության ոլորտում ամենափոքր գնաճը նկատվել է Արտաշատում՝ 0,2%:
2023թ-ի հուլիսին 2022թ-ի հուլիսի համեմատ կրթության ոլորտում ամենաբարձր գնաճը դիտվել է Կապանում՝ 6.7%, իսկ ամենացածրը՝ Հրազդանում՝ 0.1%:
Կրթության ոլորտում գների փոփոխություն տեղի չի ունեցել Եղեգնաձորում:
Բաժանորդագրվեք մեր ալիքին Telegram-ում