Մեր նախորդ վերլուծությունում անդրադարձանք 2023թ-ի առաջին կիսամյակում Հայաստան այցելած զբոսաշրջիկներին։ Նշեցինք, որ կառավարությունը պետք է կոնկրետ քայլեր ձեռնարկի Հայաստանը զբոսաշրջիկների համար գրավիչ դարձնելու ուղղությամբ. տուրիզմը տնտեսության առանցքային ոլորտներից մեկն է։
Այս տեսանկյունից հետաքրքիր քայլ էր Երևան-Կապան կանոնավոր թռիչքների կազմակերպումը, որն իրապես վտանգավոր էր թվում հայ-ադրբեջանական ներկայիս լարված հարաբերությունների պայմաններում։
![](https://banksnews.am/wp-content/uploads/2024/05/converse-970x250-c360.webp)
Ո՞ր երկրներից և քանի զբոսաշրջիկ է ժամանել Հայաստան
Անդրադարձանք Հայաստան այցելած զբոսաշրջիկներին տարբեր տեսանկյուններից։ Նկատենք, որ Հայաստան այցելած զբոսաշրջիկների շուրջ 14,4%-ն ունեն Հայաստանի քաղաքացիություն։
Մեզ համար նաև շատ կարևոր է ուսումնասիրել Հայաստանում զբոսաշրջիկների այցելության միջին տևողությունը։ Համաձայն ՎԿ տվյալների՝ 2023թ-ի առաջին կիսամյակում 2022թ-ի նույն կիսամյակի համեմատ Հայաստան այցելած զբոսաշրջիկների այցի միջին տևողությունը նվազել է 10%-ով՝ կազմելով 30 օր-մարդ։
Ուսումնասիրենք Հայաստան այցելած զբոսաշրջիկների այցի տևողությունը՝ ըստ զբոսաշրջիկների քաղաքացիության․
![](https://banksnews.am/wp-content/uploads/2023/08/zbosashrj-1.jpg)
Առաջին տեղում են լաոսցի զբոսաշրջիկները, որոնց այցի տևողությունը կազմել է 1 օր։
2 օր-մարդ ցուցանիշով աչքի են ընկել զբոսաշրջիկները, ովքեր ժամանել են Ադրբեջանից, Անդորրայից և Սան Մարինոյից։
3 օր տևողությամբ Հայաստանում մնացել են Հոնդուրասից, Կոտ Դ՛իվուարից, Գայանայից ժամանած զբոսաշրջիկները։
Հայաստանում ամենաերկարը մնացել են հետևյալ երկրների քաղաքացիները․
![](https://banksnews.am/wp-content/uploads/2023/08/zbosashrj-2.jpg)
Որքան էլ, որ զարմանալի է, սակայն Հայաստանում 133 օր տևողությամբ մնացել են Ուգանդայի քաղաքացիները։
84 օր այցելություն են արձանագրել Սիեռա Լեոնեի քաղաքացիները։
70 օր տևողությամբ այցով աչքի են ընկնում Հայաստանի և Բանգլադեշի քաղաքացիները։