«Կախված սեզոնայնությունից՝ խնդիրները միշտ շատանում են, որովհետև ջրապահանջարկը ավելանում է, համակարգի ճնշումը ավելանում է, որ ջուրը հասնի սպառողներին ու համակարգի մաշվածության պատճառով վթարները էականորեն շատանում են։ Այս մասին ասել է ՀԾԿՀ նախագահ Գարեգին Բաղրամյանը։
«Տուգանքներ կան ավտոմատ եղանակով, և եթե սպասարկման որակի կամ ժամի հետ կապված խախտումներ են լինում, ավտոմատ տուգանքներ են կիրառվում, Դա արվում է սպառողի հարմարավետության համար։ Տուգանքներն ավտոմատ վճարվում են սպառողների հաշիվներին»,- նշեց Բաղրամյանը՝ առաջարկելով դիմումներ գրել «Վեոլիա Ջուր» ընկերության թերացումների վերաբերյալ։
Նրա խոսքով՝ ջրանջատումների մասին պետք է լինեն պարտադիր հրապարակումներ, իսկ չլինելու դեպքում իրականացվում են համապատասխան միջոցառումներ։ «Եթե կան կանոնների խախտումներ, անմիջապես հարուցվում է վարույթ և համապատասխան արձագանք է տրվում։ Ամառային սեզոնին այդ դիմումները շատանում են, ամռանը 10 դիմումից 8-ը վերաբերում է «Վեոլիա ջրին»,- նշեց ՀԾԿՀ նախագահը։ Մանրամասները՝ տեսանյութում։
Բաժանորդագրվեք մեր ալիքին Telegram-ում
