ՀՀ պետական պարտքը հատել է 11 մլրդ դոլարի շեմը։ Այս մասին Banksnews.am-ը տեղեկանում է Ֆինանսների նախարարության հրապարակած տվյալներից։
Հունիսի վերջին դրությամբ՝ ՀՀ պետական պարտքը կազմել է 11 մլրդ 103 մլն դոլար, ինչը տարեսկզբի համեմատ ավելի է շուրջ 466 մլն դոլարով։
Պարտքի 44,2 %-ը ներքին պարտքն է, 55,8 %-ը՝ արտաքին պարտքը։
Կառավարության պարտքը կազմում է 10 մլրդ 559 մլն դոլար, Կենտրոնական բանկի պարտքը՝ 544 մլն դոլար։
ՀՀ պետական պարտքն աճել է բացառապես ներքին պարտքի ավելացման հաշվին։
Եթե 2022-ի դեկտեմբերին ՀՀ ներքին պարտքը կազմել է 4 մլրդ 192 մլն դոլար, ապա 2023-ի հունիսին այն կազմել է 4 մլրդ 665 մլն դոլար։
Մասնավորապես՝ ռեզիդենտների կողմից ձեռքբերված պետական գանձապետական պարտատոմսերի արժեքն աճել է 10,5 %-ով, ռեզիդենտների կողմից ձեռքբերված արտարժութային պետական պարտատոմսերի արժեքն աճել է 18,7 %-ով։
Բաժանորդագրվեք մեր ալիքին Telegram-ում
