Պատկերացրեք՝ ընտանիքով կամ ընկերներով գնում եք քաղաքից դուրս, պատրաստում եք հայկական համեղ խորովածը, զրուցում եք միմյանց հետ և վայելում եք հրաշալի բնությունը։ Այս տեսարանը շատ ենք սիրում մենք բոլորս և ամառային այս թեժ օրերին բոլորս էլ վայելում ենք նման հաճելի պահեր:
Ամերիկացիներն արդեն կարող են համտեսել լաբորատորիայում աճեցված միսը
![](https://banksnews.am/wp-content/uploads/2024/05/converse-970x250-c360.webp)
Ընդհանուր առմամբ, մսամթերքը աշխարհի տարբեր խոհանոցների անբաժանելի մասն է, որով պատրաստվում են հազարավոր հայտնի ու անհայտ ուտեստներ։ Աշխարհում մսամթերքի հիմնական տեսակների օգտագործումը հարևան երկրների շրջանում բաշխված է հետևյալ կերպ․
![](https://banksnews.am/wp-content/uploads/2023/07/msaker-1.jpg)
Առաջին հորիզոնականում է թռչնամիսը։ Վերջինս օգտագործվում է աշխարհի 70 երկրում։
Երկրորդ հորիզոնականում է ձուկը և ձկնամթերքը, որը օգտագործում են 56 երկրներում։
Երրորդ հորիզոնականում է խոզի մսի օգտագործումը՝ 29 երկիր։
27 երկրում մեծամասամբ օգտագործում են տավարի միս։ Եվ վերջապես ցուցակը եզրափակում է ոչխարի միսը, որը մեծ մասշտաբներով օգտագործվում է 5 երկրում։
Մեծամասամբ ինչ տեսակի մսամթերք են օգտագործում Հայաստանում, Վրաստանում և Ադրբեջանում․
![Մեծամասամբ ինչ տեսակի մսամթերք են օգտագործում Հայաստանում, Վրաստանում և Ադրբեջանում․](https://banksnews.am/wp-content/uploads/2023/07/msaker-2.jpg)
Հայաստանում առաջին հորիզոնականում է հայտնվել տավարի միսը։
Պարզվում է՝ մեր երկրում 1 շնչի հաշվով օգտագործվում է 23,9 կգ տավարի միս 1 տարում։
Վրաստանում և Ադրբեջանում առաջին տեղում է թռչնամիսը, որի օգտագործման ծավալները 1 շնչի հաշվով կազմում է համապատասխանաբար 18,2 կգ և 14,4 կգ։
Երկրորդ հորիզոնականում Հայաստանում հայտնվել է թռչնամիսը՝ 15,3 կգ, Վրաստանում ձուկը և ձկնամթերքը՝ 10կգ, Ադրբեջանում տավարի միսը՝ 13,5 կգ։
Հայաստանում և Վրաստանում խոզի մսի օգտագործումը հայտնվել է երրորդ հորիզոնականում՝ համապատասխանաբար 8,1կգ և 9,3կգ ծավալներով։ Ադրբեջանում տարեկան կտրվածքով 1 շնչի հաշվով օգտագործվում է 8,4 կգ ոչխարհի միս։
☑️Վերջում փաստենք, որ վիճակագրական տվյալները ցույց են տալիս, որ Հարավային կովկասի երեք հանրապետություններից ամենամսակերը Հայաստանն է, որտեղ 1 տարվա կտրվածքով 1 շնչի հաշվով սպառվում է 56 կգ մասամթերք։ Այս ցուցանիշը Ադրբեջանում և Վրաստանում կազմում է համապատասխանաբար 39 կգ և 45 կգ:
Բաժանորդագրվեք մեր ալիքին Telegram-ում