Երևանյան գիշերային լուսավորությունը մեկ ժամով կերկարացվի: Աշխատանքային հերթական խորհրդակցության ժամանակ զեկուցվել է, որ քայլեր են ձեռնարկվում արդեն հաջորդ տարվանից արտաքին լուսավորության ցանցը ողջ գիշեր վառ պահելու համար: Այս մասին BanksNews.am-ը տեղեկանում է Քաղաքապետարանի հաղորդագրությունից:
Մայրաքաղաքում վորքաութ (workout) մարզաձևը զարգացնելու նպատակով բոլոր վարչական շրջաններում կկառուցվեն մարզասարքերով հագեցած հատուկ մարզահրապարակներ: Ընդհանուր առմամբ շահագործման կհանձնվի 24 բակային տարածք:
![](https://banksnews.am/wp-content/uploads/2024/05/converse-970x250-c360.webp)
Շինբարեկարգման ծրագրերով ընթացիկ տարում մայրաքաղաքում շուրջ 60 թեքահարթակ կկառուցվի: Հանձնարարվել է գործընթացն իրականացնել՝ պահպանելով համապատասխան նորմերը:
Մեկնարկել են Թամանյանի արձանին հարակից տարածքի բարեկարգումը:
Մյասնիկյան պողոտայում խցանումները մեղմելու նպատակով կատարվել են ուսուսումնասիրություններ: Հաշվի առնելով միջազգային փորձը՝ նախատեսվում է ձեռք բերել հատուկ տեխնիկա, որը հնարավորություն կտա ծանրաբեռնված երթևեկության ժամերին լրացուցիչ գոտի ավելացնել հանդիպակաց ուղղության հաշվին՝ տեղաշարժելով բաժանիչ գոտում տեղակայված պատնեշները:
Հասարակական տրանսպորտի համար երթևեկելի նոր գոտիներ ներդնելու նպատակով նախատեսվում է փոփոխել Գարեգին Նժդեհի փողոցի երթևեկությունը: Այստեղ ևս կառանձնացվեն ավտոբուսային գծեր: Փողոցն ընտրվել է՝ հաշվի առնելով հասարակական տրանսպորտի 21 երթուղիների սպասարկումն ու երթևեկության խտությունը:
Բաժանորդագրվեք մեր ալիքին Telegram-ում