Ամերիկյան Yahoo որոնողական ծառայությունը մտադիր է վերադառնալ բորսա, գրում է Financial Times թերթը՝ վկայակոչելով ընկերության գլխավոր տնօրեն Ջիմ Լանզոնի խոսքերը:
«Yahoo-ն ՝ ամենահին և ամենահայտնի ինտերնետային ապրանքանիշերից մեկը, որը ժամանակին եղել է dotcom շուկայի սիրելին, նախատեսում է վերադառնալ հանրային շուկաներ: Գլխավոր գործադիր տնօրեն Ջիմ Լանզոնը հայտարարել է, որ իր նպատակն է ընկերությունը կրկին առաջ մղել՝ Սիլիկոնյան հովտում տեղակայված խումբը հայտնի դարձնելու ծրագրի շրջանակում»,– գրում է պարբերականը։
Լանզոնը պարզաբանել է, որ մասնավոր կարգավիճակը թույլ է տվել ընկերությանը անհրաժեշտ կառուցվածքային փոփոխություններ կատարել և ստեղծել մի շարք բիզնես-ստորաբաժանումներ, որոնք նման են այն մոդելին, որը նա օգտագործում էր CBS Interactive մեդիաընկերությունը ղեկավարելիս:
Գլխավոր տնօրենը նաև հավելել է, որ ընկերությունը միաձուլումների և ձեռքբերումների հնարավորություններ կփնտրի հարակից ոլորտներում, որտեղ դեռ պետք է զարգանա: Այսպիսով, ավելի վաղ Yahoo-ն արդեն գնել էր Wagr խաղադրույքների հավելվածը իր սպորտային բիզնեսն ընդլայնելու համար. Լանզոնը նաև նշել է, որ խումբը դեռևս որոնիչների լավագույն եռյակում է, բայց «այս պահին չափազանց փոքր է»՝ Google-ի և Microsoft-ի Bing-ի հետ մրցակցելու համար:
«Հուսով եմ, որ մենք կարող ենք նվաճել մեր տեղը։ Ես բավականին լավատես եմ և կարծում եմ, որ արհեստական բանականությունը նոր հնարավորություններ է բացում պրոդուկտներից յուրաքանչյուրում»,- եզրափակել է ընկերության գլխավոր տնօրենը։
Yahoo!-ն հիմնադրվել է 1994 թվականին ԱՄՆ-ում։ 2017 թվականին ընկերությունը վաճառվել է ամերիկյան Verizon հեռահաղորդակցական ընկերությանը, որին պատկանում են նաև AOL և Tech Crunch ապրանքանիշերը։ Ավելի ուշ՝ 2021 թվականի սեպտեմբերին, Verizon-ը ընկերությունը վաճառեց Apollo մասնավոր բաժնետիրական ընկերությանը:
Բաժանորդագրվեք մեր ալիքին Telegram-ում
