ԱՄՆ-ում նույնատիպ ֆինանսական դժվարություններ ունեցող որոշ խոշոր ներդրումային բանկերի սնանկացումից հետո դժվարություններ են սպասվում տարածաշրջանային բանկերի համար, հաղորդում է Bloomberg գործակալությունը ՝ վկայակոչելով ոլորտային վերլուծաբանների ներկայացրած տվյալները:
Ինչպես բացատրում են փորձագետները, ամերիկյան տարածաշրջանային բանկերի առաջիկա ֆինանսական դժվարությունները պայմանավորված են առևտրային անշարժ գույքի օբյեկտների նկատմամբ նրանց հսկայական վարկային պարտքով, որն այսօրվա դրությամբ հասել է 1,5 տրիլիոն դոլարի:
Bloomberg-ը արձանագրում է, որ մինչև 2025 թվականի վերջ ԱՄՆ առևտրային անշարժ գույքի ոլորտում պետք է մարվի մոտ 1,5 տրիլիոն դոլար, և այս ֆոնին երկրում գրասենյակային և առևտրային անշարժ գույքի գինը կարող է նվազել 40% -ով: Դա մեծացնում է տնտեսության նշված հատվածում գործող տեղական ընկերությունների հնարավոր դեֆոլտների ռիսկը։
Վարկերի մարման հիմնական խնդիրն այն է, որ աճող տոկոսադրույքները նվազեցրել են բազմաթիվ անշարժ գույքերի արժեքը ԱՄՆ-ի ներքին շուկայում։
Ըստ Apollo Global Management Inc.-ի գլխավոր տնտեսագետ Թորստեն Սլոկի՝ ԱՄՆ բանկերը շատ ավելի խոցելի են դարձել առևտրային անշարժ գույքի գների անկման նկատմամբ:
Բաժանորդագրվեք մեր ալիքին Telegram-ում
