Շվեյցարիան զենք չի վաճառի Ուկրաինային՝ գործող օրենքի համաձայն

2 Հունիսի, 2023
1 Min Read
Շվեյցարիան զենք չի վաճառի Ուկրաինային՝ գործող օրենքի համաձայն

Շվեյցարիայի խորհրդարանի ստորին պալատը դեմ է քվեարկել առաջարկին՝  Շվեյցարիայում արտադրված զենքերը վաճառել Ուկրաինային, հաղորդում  է France 24-ը:

Ստորին պալատում երկրի ամենամեծ՝ աջ պոպուլիստական ​​Շվեյցարիայի ժողովրդական կուսակցությունը ներկայացնող  Ժան-Լյուկ Ադորն ընդգծել է, որ զենքի վաճառքի այդ առաջարկն ուղղակիորեն խախտում է երկրի չեզոքությունը։

Շվեյցարիայի չեզոքության հարցը քննարկվում է Ռուսաստանի կողմից Ուկրաինայում պատերազմ սկսելուց ի վեր՝ 2022 թվականի փետրվարից: Թեև երկիրը Եվրոպական Միության անդամ չէ, սակայն միացել է ՌԴ-ի դեմ ԵՄ պատժամիջոցներին:
Բայց և այնպես պաշտոնական Բեռնն հաստատակամ է Ուկրաինային զենքի մատակարարման հարցում. Կիևի և դաշնակիցների կողմից ճնշմանը հակառակ՝ Շվեյցարիան թույլ չի տվել շվեյցարական արտադրության զենքերի վերաարտահանումն Ուկրաինա:

Նշենք, որ Շվեյցարիան զենքի խոշոր արտահանող է, բայց դրանք բոլորն էլ վաճառվում են միևնույն հստակ պայմանով՝ վերաարտահանումը պետք է հաստատվի Շվեյցարիայի իշխանությունների կողմից: Իսկ «Ռազմական տեխնիկայի մասին» օրենքի համաձայն՝երկրի կառավարությունը զենքի վերաարտահանում չի թույլատրում, եթե ստացող երկիրը ներգրավված է միջազգային որևէ զինված հակամարտությունում:

 

 

Կիսվեք այս հոդվածով
68 Comments