Յուրաքանչյուր պետություն պետք է հասկանա, թե տնտեսության զարգացման արդյունքում ինչպիսի համազգային նպատակներ պետք է իրագործվեն։ Անշուշտ, տնտեսական աճի ապահովումը թույլ է տալիս իրականացնել ավելի շատ ծրագրեր, սակայն ընթացիկ ծրագրերը գերակատարելուց բացի, պետք է առաջ տանել և իրականացնել համազգային մակարդակի ծրագրեր։ Օրինակ, կարևոր խնդիր է երկրում ստեղծված եկամտի հավասարաչափ բաշխումը։
Ֆիզիկական անձանց կողմից անշարժ գույքի վարձակալության դիմաց ստացված եկամուտները ենթակա են հարկման
![](https://banksnews.am/wp-content/uploads/2024/05/converse-970x250-c360.webp)
Ցավոք, Հայաստանի տնտեսության զարգացման ողջ ընթացքում նկատում ենք, որ հասարակության զգալի մասին այդ եկամտից բաժին է ընկնում միայն մի փոքր մասը, իսկ եկամուտների զգալի մասն անընդհատ հայտնվում է իշխանության և նրանց մերձավորների ձեռքում։
Եկամուտների այս անհավասարաչափ բաշխվածությունն էլ ծնում է հակասություններ, որոնք ստիպում են մեր քաղաքացիներին լքել երկիրը և հոգալ իրենց ֆինանսական կարիքները այլ երկրներում ստացված եկամուտների հաշվին։
Եկամուտների հավասարաչափ բաշխվածությունը գնահատելու համար հաշվարկում են Ջինիի գործակիցը։ Վերջինս տատանվում է 0-100 միջակայքում։ Որքան փաստացի ցուցանիշը մոտ է 1-ին այնքան եկամուտներն անհավասարաչափ են բաշխված, ճիշտ է նաև հակառակը։
Ուսուսմնասիրենք Ջինիի ինդեքսի դինամիկան հետխորհրդային երկու պետություններում՝ Հայաստանում և հարևան Վրաստանում․
Գծապատկեր 1․ Ջինիի գործակցի դինամիկան Հայաստանում և Վրաստանում 2001-2021թթ-երին
Ինչպես ցույց են տալիս Համաշխարհային բանկի վիճակագրական տվյալները, 2001-2021թթ ժամանակահատվածում Վրաստանում Ջինի գործակիցը ցածր է եղել 40 -ից և բարձր`34-ից։ Նկատենք, որ սա նշանակում է, որ երկրում եկամուտների անհավասարաչափ բաշխումը որևէ կերպ էական փոփոխություններ չի կրել երկրի կյանքում տեղի ունեցող իրապես ցնցող իրադարձությունների ընթացքում։
Հայաստանում իրավիճակն ավելի տատանողական է եղել։ Մասնավորապես, ցուցանիշի կտրուկ աճեր դիտվել են 2003թ-ին՝ 37,5, 2004թ-ին՝ 36, 2018թ-ին՝ 34,4։
Այնուհետև, արձանագրվել է կտրուկ անկում 2020թ-ին՝ 25,1։ Ներկայումս դիտվում է ցուցանիշի աճ։ 2021թ-ին Ջինիի գործակիցը հաստատվել է 27,9 մակարդակում, որը մոտ է 2009թ-ի 28 մակարդակին։
Փաստացի ստացվում է, որ Հայաստանում եկամուտների բաշխվածությունը` Ջինիի գործակիցը, ավելի զգայուն է տարբեր իրադարձությունների նկատմամբ, քան Վրաստանում։
Բաժանորդագրվեք մեր ալիքին Telegram-ում