Հայաստանի և Հնդկաստանի կառավարություններն աշխատում են երկրների միջև ուղիղ չվերթներ սկսելու ուղղությամբ։ Այս մասին հայ-հնդկական համաժողովում հայտարարել է դեսպան Նիլակշի Սահա Սինհան։
Նրա խոսքով, Հայաստանը աջակցում է Հնդկաստանին բոլոր միջազգային ասպարեզներում, իսկ պաշտպանության ոլորտում համագործակցությունն ավելի ամրապնդել է հարաբերությունները։ Հետագայում կարելի է համագործակցություն հաստատել ՏՏ և բարձր տեխնոլոգիաների ոլորտում։
Ըստ ՀՀ էկոնոմիկայի փոխնախարար Արման Խոջոյանի, ով նույնպես մասնակցում էր համաժողովին, կողմերը քայլեր են ձեռնարկում առևտուրն ավելացնելու ուղղությամբ, որը ներկայումս բավականին համեստ մակարդակի վրա է։
Բաժանորդագրվեք մեր ալիքին Telegram-ում
