«Բազմաչարչար տրոլեյբուսներից ի՞նչ կա»,-այսօր Երևանի քաղաքապետարանի գործակարգավարական խորհրդակցության ժամանակ հարցրեց փոխքաղաքապետ Տիգրան Ավինյանը`դիմելով տրանսպորտի վարչության պետի պաշտոնակատար Վազգեն Հարությունյանին։ Վերջինիս խոսքով` մատակարար ընկերության կողմիցպաշտոնական տեղեկություն չեն ստացել ուշացման հետ կապված, իսկ ըստ ոչ պաշտոնական տեղեկության` 4-ը գտնվում են Վրաստանի տարածքում և շուտով կանցնեն դեպի Հայաստան:
Ավինյանը դժգոհոց, որ արդեն ամսից ավելի է` հասնում են և առաջարկեց պայմանգրի կետերին նայելով` հասկանալ՝ ինչ է պետք անել:
Անդրադառնալով գազելներին` Ավինյանն ընդգծեց,որ առհասարակ դրանց դուրսբերումը բոլոր երթուղիներից ամենատրամաբանական առաջարկն է:
Իսկ գծանշման աշխատանքների մասով տրանսպորտի վարչության պետի պաշտոնակատարը նշեց, որ Նոր Նորք և Կենտրոն վարչական շրջաններում մի քանի փողոց է մնացել. առաջիկա օրերին դրանք կավարտեն ու կանցնեն մյուս վարչական շրջաններին:
Հարությունյանի խոսքով`1-1,5 ամսվա ընթացքում ամբողջ աշխատանքները կավարտվեն:
Բաժանորդագրվեք մեր ալիքին Telegram-ում
