Հայաստանի համար այս անկանխատեսելի և վտանգավոր ժամանակահատվածում ընկերության ձեռք է մեկնում Հնդկաստանը։ Վերջինս խոշոր պետություն է, որի տնտեսությունը շարունակում է բուռն կերպով զարգանալ՝ չնայած այն հանգամանքին, որ երկրում շարունակում է բարձր մնալ աղքատության մակարդակը։ Նույնիսկ այս պայմաններում Հնդկաստանն իր միլիարդատերների քանակով հետ չի մնում աշխարհի զարգացած երկրներից։
ԱՄՆ դոլարը շարունակում է զիջել դիրքերը՝ որպես մոլորակի գլխավոր արժույթ
![](https://banksnews.am/wp-content/uploads/2024/05/converse-970x250-c360.webp)
Անդրադառնանք հնդիկմիլիարդատեր, բանկիր ՈՒդայ Կոտակին, ով վերջերս բավականին բացասական կարծիք էր հայտնել ամերիկյան դոլարի մասին։ Նրա կարծիքով աշխարհի թիվ մեկ ֆինանսական ահաբեկիչը ԱՄՆ դոլարն է։ Նա իր ասածը հիմնավորում է այն հանգամանքով, որ մի օր կարելի է արթնանալ և տեսնել, որ ամերիկյան բանկերից չես կարող փողերդ հանել։ Նկատենք, որ Ուդայ Կոտակի կարողությունը գնահատվում է $14,8 մլրդ։ Ուդայ Կոտակը Kotak Mahindra Bank-ի գործադիր տնօրենն է։
Այս համատեքստում հետաքրքիր է՝ ինչու հնդկական բանկերը շահագրգռված չեն ընդլայնել իրենց ներգրավվածությունը ՀՀ ֆինանսական շուկայում։ Նկատենք, որ Kotak Mahindra Bank-ը Հնդկաստանի խոշորագույն բանկերից է, որտեղ աշխատում է 71,000 մարդ։ Բանկը հիմնադրվել է 38 տարի առաջ՝ 1985թ-ին։
Բանկի առանցքային ցուցանիշների մակարդակը 2023թ-ի դրությամբ եղել է հետևյալը․
Գծապատկեր 1․ Kotak Mahindra Bank-ի առանցքային տնտեսական ցուցանիշների մակարդակները 2023թ-ի դրությամբ
Ինչպես տեղեկանում ենք Գծապատկեր 1-ից, հնդկական այս բանկի ակտիվների ընդհանուր ծավալը կազմել է $78 մլրդ։ Բանկի ընդհանուր կապիտալի մակարդակը հաստատվել է $12 մլրդ մակարդակում։ Բանկի շահույթը կազմել է $1,9 մլրդ։
Ամփոփելով վերը կատարված վերլուծությունը՝ կարող ենք փաստել, որ հնդկական ֆինանսական համակարգը բավականին ուժեղ է և վատ չէր լինի համագործակցել հնդիկ միլիարդատերների և հնդկական ֆինանսական կառույցների հետ՝ ի նպաստ Հայաստանի ֆինանսական համակարգի զարգացման։
Բաժանորդագրվեք մեր ալիքին Telegram-ում