Apple-ի 0.0% նոր գործարկված բարձր եկամտաբերության խնայողական հաշիվն իր առաջին չորս օրվա ընթացքում բերել է 990 միլիոն դոլարի ավանդ: Միայն գործարկման օրը խնայողական հաշիվը ներգրավել է մոտ 400 միլիոն դոլարի ավանդ:
Հաշվի գրավիչ 4,15% տարեկան եկամտաբերությունը, գումարած iPhone-ների համատարածությունը, հավանաբար, հաշիվների բացման հիմնական դրդապատճառն է, հատկապես, երբ միջին բանկը վճարում է կես տոկոսից պակաս: Ըստ Forbes-ի աղբյուրների՝ գործարկման շաբաթվա վերջում բացվել էր մոտավորապես 240,000 հաշիվ:
«Բանկերը արագ արձագանքեցին Դաշնային պահուստային համակարգ-ի /Fed/ տոկոսադրույքների բարձրացմանը՝ հիփոթեքային և ավտոմեքենաների վարկերի ավելի բարձր տոկոսադրույքներով, սակայն խնայողներն ավանդական բանկային ավանդների կամ խնայողական հաշիվների շատ աննշան աճ են տեսել», – ասում է Ռիչարդ Քրոնը՝ Crone Consulting վճարային ընկերության հիմնադիրը: «Կա արտահոսք դեպի դրամական շուկայի ֆոնդեր և Apple-ի նման ֆինտեխ ընկերություններ»:
Apple-ի խնայողական հաշիվը անզիջում մրցակցության մեջ է մտնում ֆինանսական հաստատությունների միջև՝ բանկերի շղթայական ձախողումներից հետո ավանդներ ներգրավելու և պահելու համար:
Բաժանորդագրվեք մեր ալիքին Telegram-ում
