Հնդկաստանն իր բնակչությամբ կգերազանցի Չինաստանին

2023 թվականի կեսերին Հնդկաստանի բնակչությունը կհասնի 1,4286 միլիարդի` գերազանցելով Չինաստանի 1,4257 միլիարդ ցուցանիշին,  ներկայացվում է ՄԱԿ-ի Բնակչության հիմնադրամի զեկույցում։

ՄԱԿ-ի Բնակչության հիմնադրամի ներկայացուցիչ Էդի Ռայթի մեկնաբանմամբ՝  հստակ օրը, թե երբ Հնդկաստանի բնակչությունը կգերազանցի Չինաստանի բնակչությանը, հնարավոր չէ նշել, քանի որ ճշգրիտ ամսաթիվ չի կարող հայտնի լինել»,- գրում է ՏԱՍՍ-ը։

ՄԱԿ-ի տվյալները հիմք ընդունելով՝ World Population Prospects-ը և Market Watch-ն իրենց հերթին ավելի վաղ հաշվարկել և ներկայացրել էին իրենց եզրակացություները, որոնց համաձայն՝  Հնդկաստանի բնակչությունն արդեն գերազանցել է Չինաստանին։

Սակայն հարկ է նշել, որ ՄԱԿ-ի Բնակչության հիմնադրամը, որպես կանոն, նշում է փոփոխությունների քանակի միտումները առնվազն մի քանի ամիսների կտրվածքով: Բացառություն սովորաբար կազմում են այն ամսաթվերը, երբ Երկրի բնակչությունն ավելանում է մեկ միլիարդ մարդով։