Այսօր Թուրքիայի ազգային պաշտպանական արդյունաբերության 80%-ն արտադրվում է տեղում։ Այս մասին, ինչպես տեղեկացնում է Anadolu-ն, ասել է Թուրքիայի արտգործնախարար Մևլութ Չավուշօղլուն։
Վերջինս նաև անդրադարձել է 44-օրյա պատերազմին ու Ադրբեջանի կողմից Լեռնային Ղարաբաղի տարածքների օկուպացիային․
«Թուրքիան այսօր ռազմարդյունաբերության ոլորտում ազգային և տեղական արտադրությունը բարձրացրել է 80%-ի: Եթե մենք չհասնեինք նման մակարդակի, չարտադրեինք անօդաչու թռչող սարքեր (ԱԹՍ) և այլ զինատեսակներ, այդ թվում՝ հակաօդային պաշտպանության համակարգեր, հարձակողական զենքեր, ուղղաթիռներ, ապա Ադրբեջանի համար դժվար կլիներ ազատագրել Ղարաբաղը»,- ասել է Չավուշօղլուն։
Նաև ընդգծել է, որ Թուրքիան կշարունակի զարգացնել տեղական ռազմարդյունաբերությունը՝ փորձելով նվազագույն կախման մեջ լինել այլ երկրներից:
Բաժանորդագրվեք մեր ալիքին Telegram-ում
