Մինչև ապրիլի 15-ը շահագործման կհանձնվի նոր ներկրված ավտոբուսներից շուրջ 40-ը: Այս մասին Երևանի քաղաքապետարանի գործակարգավարական նիստի ժամանակ ասաց քաղաքապետարանի տրանսպորտի վարչության պետի ժամանակավոր պաշտոնակատար Հայկ Սարգսյանը։
«Ապրիլի 12-15–ը նախատեսվում է շահագործել հետևյալ երթուղիները. 67 համար երթուղին, որը կսպասարկի փոքր դասի ավտոբուսներով և իրար կկապի Շենգավիթ և Մալաթիա վարչական շրջանները։ Համար 40 երթուղին, որն իրար կկապի Նոր Նորք, Քանաքեռ-Զեյթուն, Արաբկիր վարչական շրջանները։ Համար 1 հիմնական երթուղին` թվով 18 բարձր դասի 12 մետրանոց ավտոբուսներով իրար կկապի Աջափնյակ, Կենտրոն, Արաբկիր, Քանաքեռ-Զեյթուն վարչական շրջանները»,–ասաց Սարգսյանը։
Նրա խոսքով՝ մայիսի սկզբին նախատեսվում է շահագործման հանձնել ևս 110 ավտոբուս, իսկ մյուս ավտոբուսները շահագործման կհանձնվեն հունիսին։
Մանրամասները՝ տեսանյութում։
Բաժանորդագրվեք մեր ալիքին Telegram-ում
