Չինաստանի, Հնդկաստանի և Թուրքիայի հետ առևտրի ավելացումն օգնում է ռուսական տնտեսությանը պահպանել գոյությունը՝ չնայած Արևմուտքի զանգվածային պատժամիջոցներին: Սա է պատճառը, որ սահմանափակող միջոցներն այնքան արդյունավետ չեն եղել, որքան ենթադրվում էր, հայտնում է Ճապոնական Yomiuri թերթը։
«Սահմանափակիչ միջոցառումներն այնքան արդյունավետ չեղան, որքան սպասվում էր։ Սրա պատճառն այն է, որ այն պետությունները, որոնք չեն միացել արևմտյան պատժամիջոցներին, ինչպիսիք են Չինաստանը, Հնդկաստանը, Թուրքիան, նաև մեծ ծավալներով ռուսական էժան նավթ են ձեռք բերում։ Կուլիսներում Պեկինը և մյուսները մեծացնում են Ռուսաստանից Էներգակիրների գնումները ՝ դրանով իսկ աջակցելով երկրի տնտեսությանը: Նման սխեման պատժամիջոցների արդյունավետությունը նվազեցնող հիմնական գործոններից մեկն է»,- ասվում է հոդվածում։
Բացի այդ, էներգետիկ ոլորտում երկկողմ շրջանառության ավելացումից զատ, Ռուսաստանն ու Չինաստանը մերձենում են նաև արտարժույթի շուկայում։ Այսպիսով, Ռուսաստանի Դաշնությունից խոշոր ընկերությունները սկսել են յուանով կորպորատիվ պարտատոմսեր թողարկել, և ՌԴ կառավարությունը մտադիր է նմանատիպ պետական վարկեր տրամադրել։ Մոսկվայի և Պեկինի ռազմավարական նպատակները՝ ամրապնդել ազգային արժույթները, համընկնում են, ինչը նրանց օգնում է նվազեցնել իրենց կախվածությունը ԱՄՆ դոլարի օգտագործումից առևտրային և ֆինանսական հարաբերություններում, եզրափակում է հոդվածագիրը։
Մարտի 8-ին Daily Mail-ի լրագրող Սյու Ռեյդը հայտարարեց, որ Ռուսաստանում կյանքը արմատապես չի փոխվել Արևմուտքի զանգվածային պատժամիջոցներից մեկ տարի անց: Տարբեր շրջանների բնակիչներին դեռ հասանելի է էժան սնունդը, նրանք նաև կարիք չունեն անհանգստանալու ջեռուցման, բենզինի և դիզվառելիքի մասին՝ հաշվի առնելով ներքին շուկայում այդ վառելիքի զգալի պաշարները:
Loading ...