Ուելսի արքայադուստր Քեթրինը հանրությանը ներկայացել է իսպանական Zara ապրանքանիշի էժանագին հագուստով։ Համապատասխան տեղեկությունը հաղորդում է Daily Mail-ը։
Քեյթ Միդլթոնը հանրությանը ներկայացել է երկար կրեմագույն վերարկուով, սպիտակ երկարաճիտ բլուզով և նշված ապրանքանիշի 20 ֆունտ ստեռլինգ արժողությամբ կիսաշրջազգեստով: Նա կերպարն ամբողջացրել է սև սրածայր բարձրակրունկներով, ձեռնոցներով և կոմպակտ պայուսակով, թույլ կապած մազերով:
Նշվում է, որ արքայազն Ուիլյամն ու Քեյթ Միդլթոնը մեկնել են Հարավային Ուելս տեղական տոնի՝ Սուրբ Դավթի օրվա նախօրեին՝ հոգեկան առողջության ոլորտում նախաձեռնությանն աջակցելու շրջանակներում: Նրանք այցելել են Brynawel վերականգնողական կենտրոն։
Ավելի վաղ՝ փետրվարին, Քեյթ Միդլթոնը BAFTA մրցանակաբաշխությանը մասնակցել էր 2019 թվականի հանդերձանքով և Zara ապրանքանիշի 18 ֆունտ արժողությամբ ականջօղերով։
Բաժանորդագրվեք մեր ալիքին Telegram-ում
