Տարեսկզբից ամենահարուստ ռուսաստանցիների կարողությունն աճել է ավելի քան 10,4 միլիարդ դոլարով, հայտնում է Bloomberg-ը։
Bloomberg Billionaires Index-ի համաձայն՝ ամենաշատը աճել է «Лукойл»-ի ղեկավար և գլխավոր սեփականատեր Վագիտ Ալեքպերովի կարողությունը։ Նա իր խնայողությունները հասցրել է 17,8 միլիարդ դոլարի՝ տարեսկզբից վաստակելով 2,43 միլիարդ դոլար և վարկանիշում զբաղեցրել է 91-րդ տեղը։
Ամենահարուստ ռուսաստանցիներից ևս մեկը՝ «Северстал»-ի գլխավոր բաժնետեր Ալեքսեյ Մորդաշովը, իր կարողությունը հասցրել է 20,2 միլիարդ դոլարի՝ տարեսկզբից վաստակելով 1,54 միլիարդ դոլար և զբաղեցնելով 78-րդ տեղը Bloomberg Billionaires Index-ում։
НЛМК-ի տնօրենների խորհրդի նախագահ Վլադիմիր Լիսինն իր կարողությունը հասցրել է 20,8 մլրդ դոլարի՝ վարկանիշում զբաղեցնելով 76-րդ տեղը և տարեսկզբից վաստակելով 905 մլն դոլար։
Բաժանորդագրվեք մեր ալիքին Telegram-ում
