Կրասնոյարսկում ավարտվել է 6 մլն ռուբլի յուրացման մեջ մեղադրվող առևտրային կազմակերպության գլխավոր տնօրենի դեմ հարուցված քրեական գործի քննությունը: Այս մասին հայտնում է ՌԴ Քննչական կոմիտեի Կրասնոյարսկի երկրամասի և Խակասիայի Հանրապետության գլխավոր քննչական վարչության մամուլի ծառայությունը։
Քննչական վարչությունն ավարտել է «Կրասնոյարսկի տարածաշրջանային բիզնեսի զարգացման կենտրոնի և միկրովարկային ընկերության» գլխավոր տնօրեն Ալեքսանդր Գրամատունովի դեմ հարուցված քրեական գործի քննությունը։ Նա մեղադրվում է պաշտոնեական դիրքն օգտագործելով՝ իրեն վստահված առանձնապես խոշոր չափերով ուրիշի գույքը հափշտակելու մեջ։
2019-ի հուլիսին մեղադրյալը՝ իր դիմումի համաձայն, օգտագործելով պաշտոնեական դիրքը և ընկերության ավանդային հաշվին իրեն վստահված միջոցները տնօրինելու լիազորությունները, այս հաշվից 6 միլիոն ռուբլու փոխանցում է կատարել իր բանկային հաշվին։ Տղամարդը հաշվետվության մեջ նշել է, թե իբր գումարը վերցրել է կազմակերպության տնտեսական կարիքների համար։
Հետաքննությունը պարզել է, որ մեղադրյալը մտադրություն չի ունեցել գումարը ծախսելու վերոնշյալ նպատակով, նա հաջորդ օրն այդ դրամական միջոցներով կատարել է 2018 թվականի հուլիսին ստացած իր վարկի մարումը:
Քրեական գործն ուղարկվել է դատախազին՝ մեղադրական եզրակացությունը հաստատելու և այնուհետև դատարան՝ ըստ էության քննելու համար։
Բաժանորդագրվեք մեր ալիքին Telegram-ում
