Ճապոնիայի Բանկը պատրաստվում է այս տարվա վերջին գործարկել թվային իենի՝ կենտրոնական բանկի իր թվային արժույթի (CBDC) փորձնական ծրագիրը: Ճապոնիայի Բանկի գործադիր տնօրեն Շինիչի Ուտիդան պարզաբանել է, որ այս փորձնական ծրագրի նպատակն է ստուգել արժույթի տեխնիկական իրագործելիությունը և մասնավոր բիզնեսի ներգրավումը դրա մշակման գործընթացում:
Ուտիդան ասել է, որ նոր պիլոտային նախագիծն իր գործունեությունը կկենտրոնացնի երկու ուղղությամբ։
![](https://banksnews.am/wp-content/uploads/2024/05/converse-970x250-c360.webp)
Նախատեսվում է ստեղծել մի համակարգ, որը կարող է օգտագործվել տարբեր տեսակի համակարգերի համար: Երկրորդ ուղղությունը վերաբերում է փորձնական նախագծում մասնավոր հաստատությունների ընդգրկմանը` հետադարձ կապ ապահովելու և թվային իենի դիզայնը բարելավելու համար: Այդ նպատակին հասնելու համար Ճապոնիայի Բանկը կհիմնի CBDC ֆորումը, որտեղ վճարումների ոլորտում աշխատող մասնավոր կազմակերպություններին կառաջարկվի իրենց ներդրումն ունենալ նախագծում:
Ուտիդան նաև բացատրեց, թե ինչպես են իրականացվելու հայտարարված փորձնական թեստերը: Ճապոնիայի բանկը փուլային մոտեցում կցուցաբերի՝ սկզբում առաջարկելով ավելի նեղ նպատակներ` այնուհետև ընդլայնելով ծրագրի շրջանակը: Բացի այդ, նա պարզաբանել է, որ նոր պիլոտային նախագիծը չի ներառի գործարքներ մանրածախ առեւտրով զբաղվողների և սպառողների միջև: Այս թեստի ընթացքում կկարգավորվեն միայն նմանակված գործարքները:
Բաժանորդագրվեք մեր ալիքին Telegram-ում