Ուկրաինայի ղեկավարությունը նույնիսկ ներկայիս բարդ պատերազմական իրավիճակում չի հրաժարվում երկրի թվայնացման հավակնոտ ծրագրից: Ուկրաինայի փոխվարչապետ Միխայիլ Ֆեդորովը համոզված է, որ թվայնացման բարձր մակարդակը դառնալու է երկրի վերականգնման հիմքը: Այս համատեքստում Ուկրաինայի իշխանությունները արագացնում են էլեկտրոնային գրիվնայի մշակումը: Նախարարը հայտարարել է, որ Ուկրաինան մտադիր է թվային գրիվնան գործարկել նախատեսվածից շուտ:
Ուկրաինայի թվային փոխակերպման նախարարությունը ցանկանում է ակտիվացնել ջանքերը ազգային էլեկտրոնային գրիվնայի (e-hryvnia) մշակումն ավարտելու համար: Նախնական պլանն այն էր, որ փորձնական փուլը սկսվեր 2024 թ.-ին, բայց այժմ կառավարությունը ցանկանում է դա անել այս տարի:
2021 թ.-ի հունվարին Stellar զարգացման հիմնադրամը ընտրվել է որպես երկրի վիրտուալ ակտիվների էկոհամակարգի ստեղծման գործընկեր, ներառյալ Ուկրաինայի կենտրոնական բանկի թվային արժույթի (CBDC) ենթակառուցվածքը։ Ուկրաինայի Ազգային բանկը (NBU) 2022 թ.-ի նոյեմբերին ներկայացրեց “էլեկտրոնային գրիվնայի հայեցակարգի նախագիծը” կրիպտոարդյունաբերության, բանկերի և այլ ֆինանսական հաստատությունների ներկայացուցիչներին: Այս տարվա հունվարին Taskombank – ը Stellar ցանցում անցկացրեց արժույթի թեստեր:
Բաժանորդագրվեք մեր ալիքին Telegram-ում
