Tesla Inc.-ը մինչև փետրվարի վերջը կդադարեցնի արտադրությունը Շանհայի իր գործարանում, քանի որ այն արդիականացնում է գործարանը, որպեսզի թողարկի Model 3 սեդանի նորացված տարբերակը բարձր մրցունակ չինական շուկայում: Գրում է Bloomberg-ը։
Tesla-ն վերջին երկու ամսվա ընթացքում արդիականացնում է գծերը փուլ առ փուլ։ Նոր Model 3 սեդանի մատակարարումները, որոնք ընկերությունը դեռ պետք է հրապարակայնորեն հաստատի, կսկսվեն այս տարվա վերջին: Model 3-ը և Model Y-ը արտադրվում են այն գործարանի տարածքում, որտեղ ներկայումս տարվում են աշխատանքները:
![](https://banksnews.am/wp-content/uploads/2024/05/converse-970x250-c360.webp)
Վերակառուցումը տեղի է ունենում այն ժամանակ, երբ Tesla-ն բախվում է աճող մրցակցության աշխարհի խոշորագույն էլեկտրական մեքենաների շուկայում: Model 3-ի վաճառքները Չինաստանում նվազում են՝ 2022 թվականին վաճառվել է մոտ 125,000 սեդան, ինչը 17%-ով պակաս է նախորդ տարվա համեմատ: Պատճառն այն է, որ տեղական մրցակիցները, ինչպիսիք են BYD Co.-ն և Nio Inc.-ը, արտադրում է մեքենաներ՝ Tesla-ի հետ մրցակցելու համար։ Ավելի վաղ ընկերությունը դիմել է չինական արտադրության իր մոդելների գների իջեցման՝ վաճառքը խթանելու համար:
Անցյալ տարի Tesla-ի գլոբալ հավաքած 1,37 միլիոն էլեկտրական մեքենաների կեսից ավելին արտադրվել է Շանհայի գործարանում: Մի քանի արդիականացումներից հետո գործարանը կարող է տարեկան արտադրել մոտ մեկ միլիոն մեքենա։
Բաժանորդագրվեք մեր ալիքին Telegram-ում