Շվեյցարիայի կառավարությունը պատժամիջոցների տակ արգելափակել է 8,1 միլիարդ դոլար արժողությամբ ռուսական ակտիվները։ Բացի այդ Credit Suisse-ը կարող էր արգելափակել ռուսական այլ ակտիվներ ևս, որոնց նկատմամբ պատժամիջոցներ են կիրառվել այլ պետությունների կողմից։ Այս մասին RIA Novosti-ին ասել է Շվեյցարիայի տնտեսական հարցերով պետական քարտուղարության (SECO) խոսնակ Անտյե Բերչին:
Ավելի վաղ տեղական SonntagsZeitung թերթը հայտնել էր, որ շվեյցարական Credit Suisse (CS) խոշորագույն բանկերից մեկը արգելափակել կամ սառեցրել է Շվեյցարիայում գրանցվող ռուսական ակտիվների ավելի քան մեկ երրորդը՝ 17,6 մլրդ ֆրանկ (ավելի քան 19 մլրդ դոլար):
Կառավարությունը սառեցրել է նաև 6 կանտոններում գտնվող 15 սեփականություն:
Շվեյցարիան միացել է Ռուսաստանի դեմ գրեթե բոլոր եվրոպական պատժամիջոցներին։ Արևմուտքն ուժեղացրել է պատժամիջոցների ճնշումը Ռուսաստանի վրա Ուկրաինայի պատճառով, ինչը հանգեցրել է էլեկտրաէներգիայի, վառելիքի և սննդի գների բարձրացմանը Եվրոպայում և ԱՄՆ-ում:
Հայտնի են ԵՄ պատժամիջոցների տասներորդ փաթեթի մանրամասները
ՌԴ նախագահ Վլադիմիր Պուտինը ավելի վաղ հայտարարել էր, որ Ռուսաստանի զսպման և թուլացման քաղաքականությունը Արևմուտքի երկարաժամկետ ռազմավարությունն է, և պատժամիջոցները լուրջ հարված են հասցրել ողջ համաշխարհային տնտեսությանը։ Նրա խոսքով՝ Արևմուտքի գլխավոր նպատակը միլիոնավոր մարդկանց կյանքը վատթարացնելն է։
Ռուսաստանի Դաշնությունը բազմիցս հայտարարել է, որ Ռուսաստանը լուծելու է այն բոլոր խնդիրները, որոնք իր համար ստեղծում է Արևմուտքը։
Բաժանորդագրվեք մեր ալիքին Telegram-ում
