Վերջին մեկ դարում Թուրքիայում տեղի ունեցած ամենաուժեղ երկրաշարժի թողած ավերածությունները, ըստ վերլուծաբանների, կարող են Անկարայի համար մինչև 84,1 միլիարդ դոլար արժենալ։ Հայտնում է Bloomberg-ը։
Մինչդեռ թուրքական կառավարության ներկայացուցիչը նշել է, որ այդ թիվը կազմում է մոտ 50 միլիարդ դոլար:
Թուրքիայի ձեռներեցության և բիզնեսի համադաշնության կողմից հանգստյան օրերին հրապարակված զեկույցում վնասի արժեքը գնահատվում է 84,1 միլիարդ դոլար՝
- 70,8 միլիարդ դոլար հազարավոր տների վերանորոգում,
- 10,4 միլիարդ դոլար՝ ազգային եկամտի կորուստ,
- 2,9 միլիարդ դոլար՝ կորցրած աշխատանքային օրեր:
Ըստ զեկույցի՝ հիմնական ծախսերը կկատարվեն բնակարանների, էլեկտրահաղորդման գծերի և ենթակառուցվածքների վերակառուցման և հարյուր հազարավոր անօթևան մարդկանց կարճ, միջին և երկարաժամկետ բնակարանային կարիքների բավարարման համար:
Անցած երկուշաբթի օրը տեղի ունեցած 7,8 մագնիտուդ ուժգնությամբ երկրաշարժի զոհերի ընդհանուր թիվը Թուրքիայում և Սիրիայում մոտ 36 հազար է:
Կառավարությունը 2022-ին կանխատեսում էր 5 տոկոս, իսկ մինչ երկրաշարժը 2023-ին ենթադրվում էր 5,5 տոկոս աճ։
Թուրքիայում այս ամառ պետք է անցկացվեն նախագահական և խորհրդարանական ընտրություններ, որոնք Էրդողանի համար ամենամեծ մարտահրավերն են իշխանության երկու տասնամյակների ընթացքում:
Բաժանորդագրվեք մեր ալիքին Telegram-ում
