SpaceX-ը սահմանափակել է Ուկրաինայի հնարավորությունը՝ օգտագործելու իր արբանյակային ինտերնետ ծառայությունը ռազմական նպատակներով, այն բանից հետո, երբ Կիևն այն օգտագործել է անօդաչու թռչող սարքեր կառավարելու համար: Գրում է BBC-ն։
Պատերազմի սկզբում Ուկրաինային տրվեցին հազարավոր SpaceX Starlink պարագաներ, որոնք միանում են արբանյակներին և օգնում մարդկանց միացված մնալ ինտերնետին: Բայց, ըստ տեղեկությունների, տեխնոլոգիան օգտագործվել է նաև ռուսական դիրքերը թիրախավորելու համար՝ խախտելով SpaceX-ի կողմից սահմանված քաղաքականությունը:
Չորեքշաբթի օրը Վաշինգտոնում տեղի ունեցած միջոցառման ժամանակ SpaceX-ի նախագահ Գվին Շոթվելը նշել է, որ Starlink տեխնոլոգիան «երբեք նախատեսված չի եղել զենքի վերածվելու համար»:
Նա անդրադարձել է Ուկրաինայի կողմից անօդաչու թռչող սարքերի կառավարման համար Starlink-ի ենթադրյալ օգտագործմանը և ընդգծել, որ սարքավորումները տրամադրվել են մարդասիրական նպատակներով:
Անօդաչու ինքնաթիռները կարևոր դեր են խաղացել պատերազմում․ դրանք օգտագործվել են Կիևի կողմից ռուսական զորքերը որոնելու, ռումբեր նետելու և Մոսկվայի սեփական անօդաչու սարքերի հարձակումներին դիմակայելու համար:
Ընկերությունը քայլեր է ձեռնարկել՝ «սահմանափակելու» ուկրաինական զինված ուժերի՝ Starlink-ը հարձակողական եղանակով օգտագործելու հնարավորությունները:
Բաժանորդագրվեք մեր ալիքին Telegram-ում
