Ռուսաստանի բյուջեի դեֆիցիտը շարունակում է աճել

Ռուսաստանի բյուջեի դեֆիցիտը հասել է 25 միլիարդ դոլարի՝ էներգետիկ եկամուտների նվազման պայմաններում։ Հաղորդում է Bloomberg-ը:

Հունվարին Ռուսաստանի կառավարության նավթի և գազի եկամուտները նվազել են, ինչը հանգեցրել է 1998 թվականից ի վեր բյուջեի ամենամեծ դեֆիցիտին՝ տարվա առաջին ամսվա ընթացքում:

Նավթից և գազից հարկային եկամուտները հունվարին նախորդ տարվա համեմատ նվազել են 46%-ով, իսկ ուկրաինական պատերազմին ուղղված ծախսերն աճել են 59%-ով։

Ըստ ֆինանսների նախարարության՝ սա հանգեցրել է 1,76 տրիլիոն ռուբլու (25 միլիարդ դոլար) պետական ​​բյուջեի պակասուրդի։

Նավթից և գազից եկամուտները նվազում են արևմտյան պատժամիջոցների պատճառով, որոնք այժմ ներառում են արգելք հում նավթի և վերամշակված վառելիքի վրա, ինչպես նաև գների սահմանափակում:

Ռուսական բանկերի շահույթը տարեկան կտրվածքով նվազել է 12 անգամ

Հունվարին Urals-ի միջին գինը մեկ բարելի դիմաց կազմել է 49,48 դոլար, ինչը ամենացածրն է 2020 թվականի դեկտեմբերից ի վեր։ Դա համեմատվում է Brent տեսակի նավթի միջին գնի հետ, որն անցյալ ամիս մեկ բարելի դիմաց կազմում էր 77,82 դոլար:

Առանձին հայտարարության մեջ ֆինանսների նախարարությունը հայտնել է, որ հունվարին վաճառել է 3,6 տոննա ոսկի, ինչպես նաև 2,3 միլիարդ յուան՝ սուվերեն հարստության հիմնադրամից՝ պակասուրդը ծածկելու համար։