Կայացել է ՓՄՁ ենթախորհրդի նիստը

ՀՀ էկոնոմիկայի նախարար Վահան Քերոբյանի գլխավորությամբ կայացել է ՓՄՁ ենթախորհրդի նիստը, որին մասնակցում էին նաև նախարարի տեղակալներ Ռաֆայել Գևորգյանը և Արման Խոջոյանը:

Օրակարգային հարցերի թվում էին բիզնեսների թվային փոխակերպմանն ու ավտոմատացմանը, առողջապահության պարտադիր ապահովագրության համակարգի ներդրմանը վերաբերող հարցեր։

Քննարկվել են նաև ԲՈՒՀ-երին, միջին մասնագիտական և հանրակրթական հաստատություններին նվիրատվությունների ծավալի մեծացմանը վերաբերող հարցեր։

Անդրադարձ է կատարվել նաև գյուղատնտեսական նշանակության հողերի վարձակալության կարգավորումների փոփոխմանը։